Puisi Aceh Naleung Lumo >> pantunseribu

PUISI ACEH

:: NALEUNG LUMO ::

Sinaleung lakoe timoh meu banja..
Di naleung sira disampeng rumoh..
Buet watee uroe hek meulumpah na..
Keudeh lam rimba naleung loen jak koh..

Karap na sibeuleun lumo loen peulara..

Ata bak kerabat geupeumawah saboh..
Oh ta eu eumpeun cukop le disuba..
Dua boh umpang raya tapuwoe punoh..

Han jan si uroe payah lom ta gisa..
Naleung jak mita rata lampoh soh..
Kuweut ka jaroe keubeh sang di pha..
Raseuki Allah taala teutap loen satoh..

Hana loen peu deuk umpeun ku sedia..
Hana cit gasa lumo jak poh poh..
Teutap uloen lhuek dum ho perjuangan..
Naleung sabe na puwoe u rumoh..

Pajan keuh seu’iet lumo loen peulara..
Mangat lam blang raya taloe meu roh roh..
Bek le lam gapiet lam weu saja saja..
Tapuwoe oh jula mangat bek gadoh..

Ta eu lumo gob galak kolam mata..
Naleung dijak mita hana payah jak koh..
Tinggai dipeulob oh watee sinja..
Ie dlm tima sagai dipusoh..

Itek beulati musang yg suba..
Nye itek belibis laju di choh choh..
Beugot tapeduli hewan tapeulara..
Sabe tajaga eumpeun tasatoh..

Jazk- beu jroh jroh hai rakan tapeulara binatang… Supaya na manfaat & meu pahala..