Pantun-Pantun Aceh Kary Rizki J Muhamad
:: GOB PEUGAH ::
Tadingo haba yg gob gob peugah..
Rata daerah di sigli kuta..
Dia aneuk dara cantek meulumpah..
Tapi meu ulah arogan lagoina..
Na bacuet tari ube bu kulah..
Ube seulawah umbong that raya..
Han dipadoli aba tapeugah..
Peulom hai ayah meuturi hana..
Watee tarayu ngoen moto mewah..
Honda beupayah vixion beu taba..
Nye nyan hai debu tanyoe disumah..
Bacuet ta olah langsong jeut ba ba..
Nye ka pacaran dumpeu jeut ramah..
Mandum dipeuhah demi kakanda..
Nyoe pembuktian adek meutuah..
Mandum dek serah jiwa ngen raga..
Peu yg neupeugot adek tob babah..
Mandum terserah tanyoe ban dua..
Yang peunteng beugot tanyoe pih puah..
Hana problem bak ayah poma..
Nyan keuh hai rakan bacuet loen peugah..
Ata gob dongeng kolam balee tuha..
Peu realita peu keuh nyan salah..
Mandum duduk perkara le droe ta cerna..
Boh putek putik talhap ngen lincah..
Boh putek mirah tajampu saka..
Hai dara bagus meubek meu ulah..
Jaga peukakah bek tikoh suba..
Jazk- nyan gob peugah beh,, loen hana tuoh cit karna hana tom lage nyan hhahahahha…..
#PALEH_KAH
| Rizki J Muhamad |
:: PEURANGOE INENG ::
Peurangoe ineng kameunan dali..
Bak akhe negri kiamat donya..
Tan le meukeuneng akan suami..
Han dipadoli di hiro pih hana..
Nye eh ngen lakoe budak tupong kanji..
Minyeuk brok dibi nibak kepala..
Dadan meupaloe cukop that bau..
Peureuseh hai akhi nyan bee meurua..
Ngen ija bukah sampoe u gaki..
Bajee pih gob bi meutuleh PA..
Bacuet loen peugah bh ngen soni..
Kajeut ta giti kundo lagoina..
Watee trok sigoe bapak bupati..
Atau joko widodo presiden negara..
Nyan peusiap droe beulagak tari..
Hana padoli abeh beulanja..
Oh ta eu budak ka lapan senti..
Mirah dibibi dilhoh kolam kaca..
Cukop that lagak sang bidada ri..
Sayang hai akhi keugob disedia..
Seuandai lage nyoe dijok keu suami..
Seunang han sakri kamoe bahgia..
Dak hek si uroe mita raseuki..
Lupie di hati oh woe lam kamba..
Keluarga sakinah warahmah hakiki..
Meunan hai ummi yg tanyoe damba..
Beugot tapapah keu lakoe tabi..
Rahmat dewa keu gata syiruga..
Jazk- peulagak droe bek keu lakoe gob hai para perempuan yg budiman.. Tapi peulagak keu lakoe droe teuh
#WANITA_MUSLIMAH
::NASIB LAKOE::
Roh phon aleh lam bahasa jawoe..
Lheuh nyan hai adoe laju karakter ba..
Meulumpah seudeh nasib di lakoe..
Ban saban uroe mita beulanja..
Takeureuja bak gob meulumpah paloe..
Beok na rugoe abeh ditampa..
Payah cok silob laju tajak woe..
Meunan keuh bagoe nibak usaha..
Di ureung ek u abeh lhu asoe..
Gaki ngen jaroe meulumpah gasa..
Pat geumeungadu nyan propesi droe..
Bak Allah sidroe taro ie mata..
Yang lumpah seudeh oh peng tapuwoe..
Yang na lam jaroe 15000 rupia..
Ineng disideh kapeumuhob droe..
Laju kolam sagoe oh malam jula..
Hana dipike bacuet keu tanyoe..
Sideh lam uroe tanyak usaha..
Ka sitingoh mate kolam adok anoe..
Asai jih beutroe & na beulanja..
Teuma si ineng hana dipakoe..
Dak cula caloe ta mita rupia..
Hanya ditanyeng padup neupuwoe..
Tanyoe diputoe nye le beulanja..
Yang peugot bendo sideh di unoe..
Yang angkot anoe di tiro nama..
Oh watee ta eu nibak lawet nyoe..
Sayang keu lakoe nye tingoh kaya..
Jazk- watee takerja didhot le gob..watee tawoe u rumoh didhot le ineng teuh.. Ho tajak laen nye ken lam wc meunasah tajak meungadu..
#NASIB_SANG_LAKOE
:: AKHE THOEN HIJRIAH ::
Tapeugleh hate ngen ingat Allah..
Tapeugleh pengecap goet tuto kata..
Uroe nyoe ka akhe di thoen hijriah..
Singoh talangkah lembaran tabuka..
Teuma diyasin kajeut tapeuhah..
Tabaca bagah akhe thoen Do’a..
Ngen hate percaya seureuta galau..
Jaroe tagadah beu ampon dausa..
Nye na tabaca do’a loen peugah..
Syaitan ka susah gundah gulana..
Ka ampon dausa kheuhdak bak Allah..
Sia meulumpah sithoen loen goda..
Teuma geutanyoe hamba meutuah..
Dausa yg lupah ampon tapinta..
Gaki ngen jaroe seureuta babah..
Hate yg salah glinyueng ngen mata..
Tamohon ampon ngen hate ikeulah..
Dan rasa teulah ateuh dum dausa..
Wahe e poloen ho keuh loen kubah..
Leon pubuet salah dum ujeun raya..
Neubri ampunan sithoen yg lupah..
Buku bek mirah puteh ban beling..
Ngen penyesalan harap ampon Allah..
Hate beu lemah taroe ie mata..
Jazk- ya Allah Neupeu ampon dausa loen dausa kedua ureung chik loen dausa keluarga & saudara loen serta dausa mandum kaom muslimin ya Allah..
#AMIN_YA_ALLAH
::MADRID vs BARCA::
Perte aneuk akbid yg jak sikula..
Beuna beulanja meu saboh guni..
Euntreuk malam madrid jak musuh barca..
Ho ka madridista laju tunyok jari..
Jeh aduen nanang hana loen lupa..
Gob nyan nye barca lumpah geubenci..
Geupeugah permainan hana menggoda..
Pereuseh lagee gaya peureute banci..
Teuma malam singoh takaloen nyata..
Soe yg limboi sa si do peu messi..
Bek cuma jeumoh garang lagoina..
Singoh beu konkret kaci bi bukti..
Han ek tapike awak nyan dua..
Nye soal bola cit lumpah hebat..
Soal meupake lam lapangan raya..
Dari jameun ka cit ka taturi..
Tapi hai rakan bek fans lagee na..
Awak nyan dua kafe yahudi..
Geutanyoe iseulam akan agama..
Galak bak mata keu ureung islami..
teuma nye galak bacuet keu bola..
Meubek lah ria peh peh kurusi..
Bek cit meupihak antara dua..
Bek hai saudara tarohan judi..
Meubek chit rakan nyan gara gara..
Tatem meudawa aneuk ngen abi..
Nyan keu hiburan bek serius lagoina..
Ingat keu dausa ngen sang Ilahi..
Jazk- nyAn bEk kaRu2 beH..
VisCa bArca bEu goT ngEn MaDridista.. KarNa adAk tamEupake dEmi awAk nyAn haNa diBi m
:: AWAK COT TUNONG ::
Awak cot tunong meulumpah paloe..
Meunye kolam mubloe hana kira kira..
Na tolong-menolong nibak uroe nyoe..
Kupi ngen tumpoe saboh jeu’ee raya..
Karap dua rutoh abeh dum pheng phoe..
Yang peunteng pruet troe dak hana keureuja..
Kupi lapan ploh kueh na sitaloe..
Rukok hai adoe saboh silop beuna..
Nye kolam tuleh peng chit na geutanyoe..
Maklum uloen nyoe siat bendahara..
Teuma bacuet heng kadang meupaloe..
Singoh oh tapuwoe kadang meudawa..
Ban uloen kali kali ngen aneuk jaroe..
Hana chit rugoe hana chit keuntungan..
Akan tetapi bek singoh lon geutampoe..
Bah laju dinoe buku uloen ba..
Teuma beda that di cot tunong nyoe..
Bak jungkat igoe galak meudawa..
Malam dijabat dilantak uroe..
Ka meunan peurangoe di dlm desa..
Awak cot baroh uloen eu baroe..
Kerja seuleusoe ekonomis lagoina..
Watee seumajoh hana payah bloe..
Boh putek bak droe keunan geuyue ba..
Hudep that rukon dak saleng toe toe..
Hana meusidroe peusalah syedara..
Seumoga Rabbon geubi chit kamoe..
Singoh oh dudoe meunan chit meurasa..
Jazk- nyE digampOeng lOen maLam diLantik urOe diLantak teuh
#DINAN_KIBAN
>pantunseribu”>