“==>Saboh macam kirajuuu<==
Oleh Mas Bro
Meukru seumangat, rahmat meutabu.
Hendak tuhanku, keunoe lamdonya.
Jinoe kameuhat, hajat keu tungku.
Barat ngon timu, bandum lon sapa.
Salam ‘alaikum, saleuem lon tuju.
Ummi ngon abu, adoe deungon a.
Meu’ah keurabat, riwat tan mutu.
Bak lon meulagu, kadang na cupa.
Harap neumaklum, keu bandum tungku.
Walau tan mutu, ulon meu haba.
Teungoh meurunoe, jinoe dipaku.
Kanibak tungku, Syekh Li di Jeumpa.
Deungo lon kisah, peugah sigetu.
Keu cuda bungsu, yg ulon nama.
Rupa yg ceudah, meu ulah dagu.
Mata yg sayu, ban buleuen poh sa.
Di apa basyah, mirah matahu.
‘Oh watee geu eu, waya syeh khuna.
Ka teuhah babah, lidah jeut kaku.
Harap meunyatu, sibantai dua.
Harap keu kuwah, cicah oen labu.
Mangat pajoh bu, walaw tan sira.
Goet that meuramah, kupeugah laju.
Harap tutop bu, awai gop buka.
Pane lom cara, waya syeh debu.
Awai gop tinju, jinoe kajanda.
Lagee biasa, neukira laju.
Jameun kamaju, model jeut baba.
Deungon sibaka, lanja utimu.
Deungon si matnu, ijih pih sama.
Meusang rap rata, jiba lee hantu.
Meunyoe ka ulu, soe tanggong hana.
‘Ohnoe meumada, rika lon kutru.
Yang dara ayu, meu bek krot muka.
‘Oh lheuh neubaca, neu senyum laju.
‘Oh watee ta-eu, nak awet muda…”